காலத்துகள்கள் வழியும் மணற்குடுவை

கோப்பைகளை நிறைத்த குடுவை
காற்றால் நிறைந்திருக்கிறது.

காலத்துகள்கள் வழியும் மணற்குடுவை
காத்திருக்கிறது
இன்னும் சிலமுறை
நிரம்புவதற்கும் காலியாவதற்கும்

நிறைதலும் குறைதலும்
பெரும்பழத்தின் இரு கீற்றுகள்

திருப்பப்படும் மணற்குடுவையின்
ஒரு நுண்மைப்பொழுதில்
இல்லாது
இருக்கிறது காலம்

கடந்தவற்றை உறிஞ்சிய பஞ்சுப்பொதி
காற்றின் மிதவெப்பத்தில்
எடை உதறிக்கொள்கிறது

வாகனம் வந்து சேர்வதற்குள்
காட்சிகளின் புகைமூட்டத்திலிருந்து
விலகி
சிறிது மூச்சு வாங்கிக் கொள்வதே
இளைப்பாறல், பிழைப்பு.


ஜெயேந்திரராஜனின் ஒளிப்படத்திற்காக
எழுதிய நாள் : 11-ஜூலை-2018