Sunday, August 4, 2019

நீளப்பாதை


பாதையின் நீளத்தைச் சொல்லும்
தோலின் சுருக்கங்கள்

சேரும் இடம் வரை துணையாய்
பொதியின் பாரம்
பேச்சுக் கேட்க காற்றெங்கும் காதுகள்
கால்களைத் துரத்தும் கனவுகள்
எதிர்ப்படும் ஒரு துளிப் புன்னகையும்
கைப்பிடி வார்த்தைகளும்
வெக்கை தணிக்கும்
பின்வரும் உனக்கும்


நண்பன் ஜெயேந்திரராஜனின் ஒளிப்படத்திற்காக

எழுதிய நாள் 05/08/2019

Thursday, August 1, 2019

வழியிலாடும் புன்னகை


பயண தூரம்
வியர்வை அழுக்கு
உள்ளே அழுந்திக் கிடக்கும் வெயில் பாரம்
அனைத்தும் மலர்த்திப்போடும்
முன்னிருக்கையில் விளையாடும்
மழலையின் எச்சிலொழுகும் புன்னகை.



நண்பர் சுடலைமணியின் ஒளிப்படத்திற்காக


எழுதிய நாள் 11 டிசம்பர் 2018

பச்சையம் தேடி...

நீர்த்தடம் போகும் விதையின் கால்கள்
கள்ளிக்கும் வாழைக்கும்
பச்சையம் புகட்ட உண்டு
ஒரே சூரியன்

எழுதிய நாள் 24 நவம்பர் 2018
பெங்களுருவில் எடுத்த ஒளிப்படம்