இணைச்சொல்

என் வாழ்த்து இல்லாமலும் நீ கொண்டாடுவாய்

என் கைகள் தொடாமலும் உன் கண்ணீர் காயும்

என் நதி பாயாமலும் உன் தோட்டம் பூக்கும்

அணுச்சுழற்சி வேகத்தில்

எதிர்த்திசைப் புள்ளிகளின் அமைவிடம்

எனதுமாகும்

உனதுமாகும்

உன் வரிகள் இல்லாமலும் என் பாடல் ஒலிக்கும்

உன் வியர்வை படாமலும் என் கூடல் அமையும்

உன் கண்ணீர் காணாமலும் என் ஊர்வலம் நிகழும்

அந்தச் சொல்

இல்லாமலும்

இந்தக் கவிதை முடியும்.

எழுதிய நாள் : 10-01-2018