தற்கொலைக் குறிப்புகள்

அவன் தற்கொலை செய்துகொள்வது இதுதான் முதல்முறை

இதற்குமுன் முயற்சித்தது இல்லை.

இம்முறை வெற்றிகரமாக நிகழ்ந்துவிட்டது அவன் தற்கொலை

மறுபடியும் வேறுமுறைகளில் முயற்சிக்கும் எண்ணமுண்டு

நல்ல கவிதையோ சிறுகதையோ

வாசித்துவிட்டுப்பின் நிகழ்த்தலாம்.

அவனறியா நிலத்தில் புதிய கண்களைக்

காதலிக்கத் தொடங்கியிருக்கலாம்.

மது அருந்திவிட்டு சிறிது புன்னகையுடனோ

கண்ணீா் நிரம்பிய ஒரு கலவிக்குப்

பின்போ நிகழ்த்தலாம்.

அடுத்த தற்கொலைக்குமுன்

மின்னனுத் திரையில் கவிதை எழுதுபவனின்

தோளருகில் நின்று கவிதை வாசிக்கலாம்

அல்லது

இப்போதுபோல்

இதை வாசித்துக்கொண்டும் இருக்கலாம்.

ஒரு ஆறுதல்

தற்கொலைக் கருவிகளை நம்மிடமிருந்தே

எடுத்துக்கொள்ளும் அவன்

தற்கொலைக் குறிப்புகள் எழுதுவதில்லை.

எழுதிய நாள்  9 அக்டோபர் 2018